Mae'r rhifyn diweddaraf o Llais yr Andes wedi ei gyhoeddi. Gallwch ei brynu yn lleol neu ei weld ar y we.

Daeth nifer fawr o dregolion Gaiman draw i Teatro Español i weld ysgol Feirthin y Gaiman yn perfformio’u acto Nadolig. Diolch am ddod a fy sgript i’n fyw a gobeithio fod pawb wedi mwynhau y perfformiad. Mi roedd hi’n bleser imi hefyd cael bod yn ôl ar lwyfan!! Llongyfarchiadau mawr i bawb am flwyddyn lwyddiannus iawn a phob lwc ar gyfer y flwyddyn nesaf.

Cafwyd dathliadau i ddathlu diwedd y flwyddyn yn Nhrevelin ac Esquel yn ddiweddar. Daeth dros 60 o oedolion a phlant i´r parti gynhaliwyd yng ngardd yr ysgol ac fe gafwyd noson lawen yn Esquel i ddathlu´r achlysur. Da iawn pawb am flwyddyn o waith caled!

Ar nos Iau, Rhagfyr 3, daeth ychydig dros 40 o bobl dewr lleol draw i Beuddwyd yn y Gaiman i flasu mathau gwahanol o gyri. Diolch yn fawr iawn i bawb am ddod. Codwyd tua 400peso tuag at Dosbarthiadau Cymraeg y Gaiman. Diolch enfawr i Ana Rees, Esyllt Roberts de Lewis ac Elin Wyn Evans am goginio y mathau gwahanol o fwyd. Roedd popeth wedi mynd erbyn diwedd y noson. Da iawn i bawb hefyd am gymryd rhan mewn gemau dwl yn ystod y noson.
Ond yn fwy pwysig, roedd un penblwydd angen cael ei ddathlu. Dymuniadau gorau i chi Luned a diolch yn fawr iawn, o waelod calon am eich holl help yn ystod y cyfnod rwyf wedi bod yma.