Ddydd Sadwrn, 28ain o Awst, daeth tua hanner cant o bobl y Dyffryn ynghyd yn y prynhawn ar gyfer Twmpath ac iddo dro Archentaidd! Daeth pawb au termos, bombillas au yerba gyda nhw i fwynhau eu mate wrth ddawnsio! Cafwyd sawl dawns wahanol diolch i Gareth Roberts a fun galwr ddawns a Margaret ac yntau yn dangos y gwahanol symudiadau i amaturiaid fel fi! Hyfryd oedd gweld rhai o bob oed o fabis bach hyd at oedolion yn ymuno!

Cyn y Twmpath, bu disgyblion Coleg Camwy, rhienir Ysgol Feithrin, athrawon Cymraeg y Dyffryn a llawer mwy yn brysur yn gwerthu tocynnau raffl ac heb os, roedd hin raffl heb ei hail! Roedd y gwobrau yn arbennig 2 noson ym Mhlas Hedd, Porth Madryn (trwy garedigrwydd Maelor Jones), swper/cinio i ddau yng Ngwalia Lan (diolch i Andres Evans) a the Cymreig yn nhy te Ty Gwyn (rhodd gan Sonia a Ricardo Irianni). Llongyfarchiadau anferthol i Caren Jones, athrawes Gymraeg Coleg Camwy fydd yn hel ei phac am benwythnos ger y mor!
Casglwyd 1,605 peso ar gyfer dosbarthiadau Cymraeg y Gaiman a phopty newydd yn Nhy Camwy!

Hoffwn ddiolch o galon i bawb a helpodd i wneud y prynhawn yn un mor llwyddiannus drwy godi ar eu traed a dawnsio, am roi gwobrau gwerth chweil neu thrwy brynu neu gwerthu tocyn raffl.
DIOLCH O GALON I CHI I GYD!